Bideo-kamera bat jarri nuen etxeko sarreraren aurrean ezkutatuta. 2010eko
maiatzaren 29an, etxetik bi minutu atera ondoren bat sartzen grabatu zuen. Ez
zuen argia piztu, baina eskaileraren argia piztuta zegoelako bizkarrez sartu
zela antzematen da. Segundo batzuk besterik ez zuen behar izan atea irekitzeko.
Gordeta nituen beste grabazio batzuk arreta handiz begiratu nituen: batean
sarraila irekitzen eta ixten aditzen da, ikusi batez, aurrekoan bezala
sarrerako argia piztu gabe sartu baitzen. Aurrekoan bezala, sarrerako argia
piztu gabe eta etxetik atera bezain laster sartu zen. Apaletako liburuak
mugitzerakoan atera zuen zarata entzuten da.
Jabetu nintzen etxean sartzen zirenean kamera
martxan uzten zutela, behin barruan egonik oso erraz ekidin zitekeen grabazio
eremua. Ateratzeko unean kamera gelditzen zuten eta azkeneko artxiboa ezabatu.
Grabazio osoa ikusi gabe, honek usten zuen agerian norbait ibili zela barruan.
Ateratzeko denbora gehiago behar zuten. Atera baino lehenago begiratu beharko
zuten ea inor ote zegoen eskaileran, eta ziur aski kideren bat izango zuen
kanpoan abisua emateko. Eszena luzeegia geldituko zen grabatuta. Honek datu
garrantzitsu batzuk eman zizkidan zelatarien prozeduraz. Bazekiten ez nuela
bideo-kamerak grabatzen zuen guztia -bost bat orduko iraupenekoa- begiratzen,
ezta hasierakoa ere, bukaera, aldiz, bai, eta gainerakoa zatika. Hau dena
jakiteko etengabe kontrolatu behar zituzten nire ordenagailuak.
Grabazio osoa ikusten hasi nintzen. Berehala jabetu ziren eta ez omen
zitzaien gustatu. Kamerak jasotakoa ikusten nuenean ordenagailua blokeatzen
zidaten; beste edozein ordenagailutan etenik gabe ikusten nituen.
iruzkinik ez :
Argitaratu iruzkina