Prentsan argitaraturiko
torturatuak izan ziren hainbaten lekukotasunez osatuta
Buruan txano bat jarrita, hormari begira jarri ninduten ziegan
Oihu, irain eta mehatxu artean galdeketa luzeak
egiten zizkidaten
Bakarrik nengoen. Nire oihuak eta negarrak ezin
zituen inork entzun
Kanpoko inork ezin zidan lagundu.
Izututa nengoen eta berdin zitzaidan bertan
hiltzea. Barneko zauriak zabalik daude
Oihu sendo bat entzuten da, amaren ahotsa gau erdian deika
Atzean geldi ez dadin inor, aurrera jo dezagun
Oztopoak gaindituz bidean zehar goaz eta askatasuna
nire semea da
Torturapean bizi izandako umilazioak eta irainak luzeak izan ziren:
polizia goraipatzea, ereserki faxistak abesaraztea,
sexu arloko umilazioak.
Une hartan, nahiago nuen ni jotzea, erruduna
sentitu nintzen,
denboraren zentzua galdu nuen.
Ziegan beti argia piztuta
zegoen eta galdeketa gela oso ilun.
Begiak estalita, espazioaren zentzua ere galdu nuen
Oihu sendo bat entzuten da, semearen ahotsa ziegatik deika
Oztopoak gaindituz malda gora goaz, bakea gura zain
dago tontorrean
Barneko zaurien aztarnak ez dira joan
Oihu sendo bat entzuten da, abertzale guztion
ahotsak deika
Oztopoak gaindituz bidean zehar goaz eta helmugan
topatuko gara
Bideak politak dira bertan aurkitzen dituzun
lagunengatik
Poltsa, elektrodoak,
kolpeak, drogak, exekuzio simulazioak. Oinazea dagoen lekuan gaude.
Abertzale guztion borrokak
lagundu zidan indarrak metatzen.
Oztopoak gaindituz jarrai dezagun elkarrekin,
elkarrekin.
iruzkinik ez :
Argitaratu iruzkina