Trena

Jon Anzaren gomutan

Tren baten zain nengoen, baina ni jaso gabe alde egin behar izan zuen.

Bueltaka egunero agertzen zen, nire bila ote zetorren.

Tren baten zain nengoen, baina norabide galduta zeraman beste batek eraman ninduen

Gauaren dardaran galdu zen, tunel luze batek erantsi ninduen,

beldurrez, minez, hotzez ahitu zitzaidan indarra.

Hilobitik altxatu zena izatea gustatuko litzaidake, nire lagunen besoen aterpean lasai hiltzeko

Ez diot heriotzari bizitza eskatzen, bizitzari heriotza duina baizik

Eraman ninduen  trenaren gidaria non dago?

Itzali zitzaidan ahotsa minez, hotzez, azkeneko bagoia noizko?

Egia-trenaren zain nago, ez dut oraindik argirik ikusten,

tunela oso luzea da, azkeneko bagoia noizko? 

Egia-trenaren zain nago, ez dut oraindik argirik ikusten,

tunela oso luzea da, azkeneko bagoia noizko?

Tren baten zain nengoen, bueltaka egunero agertzen zen

norabide galduta zeraman beste batek eraman ninduen

Argia ekarriko duen trenaren zain nago

Bidea moztu diote, lurra astindu du indarrez. Non nago?

Nigatik egin duzuen negarrak eman dit indarra,

baina trena ilunpean dago, oraindik