Zaurien sua

Zeru gautuaren babesean kaletan zehar noa zure besoen habiara.

Alde guztietatik begiak ezkutuka, zelatan.

Ah, non zaude? Zabal ezazu atea, zu ikusteak indarra ematen dit eta hemen zure zain nago

Ekaitzak gogor jo du, ni joaterakoan ate itxi ezazu 

Agian mina egingo dizute, maite baitzaitut

Malkoz bustietako begiaz agurtu nauzu, atzera so egin gabe alde egin behar izan dut

Lurraren ebakiak batzen gaituen bihotz-zauritan,

Libre sentitzen naiz zure ondoan, bizi poza.

Ah, non zaude? Kalean  ehiza, zure besoetan babes. Gure atzoko ametsa egia bihur dadin laster.

Gau batean edozein gauza gerta daiteke Euskal Herriko zenbait etxetan.

Gure aitona-amonen ateak beti zabalik egoten ziren.

Etxe barruan gorde egin behar dugu askatasuna orain

Ekaitzak gogor jo du, ezkutuka eraman naute, amets gaizto izan da, zure malko urdineko

itsasora ihes egin dut bere mehatxu eta kolpeak lehertzen zirenean.

Minak ez dit hautsi muina

Ekaitzak gogor jo du, ezkutuka eraman naute,  amets gaizto izan da,                              

zure malko urdineko itsasora ihes egin dut bere mehatxu eta kolpeak lehertzen zirenean.

Lurraren ebakiak batzen gaitu bihotz-zauritan

Libre zure ondoan, bizi poza.